26.05.2026
2026 жылғы 26 мамыр күні мектепте «Жазғы демалыс кезінде ата-аналар нені білуі керек?» тақырыбында жалпы мектепішілік ата-аналар жиналысы өткізілді.
Жиналыс барысында жазғы кезеңдегі балалардың қауіпсіздігі мен әл-ауқатына қатысты келесі мәселелер қарастырылды:
🔹 балалардың қайда жүргенін және немен айналысатынын бақылау;
🔹 су айдындарындағы, жолдағы және қоғамдық орындардағы қауіпсіздік;
🔹 интернет-тәуелділік пен кибербуллингтің алдын алу;
🔹 жасөспірімдердің эмоционалдық және психологиялық жағдайы;
🔹 жазғы демалысты пайдалы әрі қауіпсіз ұйымдастыру.
Сонымен қатар қауіпсіздікке байланысты кейс-жағдаяттарды талдауға ерекше назар аударылды. Ата-аналар интернеттегі қарым-қатынас, өрт қауіпсіздігі, балалардың су айдындарында ересектердің қарауынсыз жүруі және жасөспірімдердің жаз мезгіліндегі қауіпсіз мінез-құлқы туралы өмірлік жағдайларды талқылады.
Жиналыс соңында ата-аналарға балалардың жазғы демалысын қауіпсіз ұйымдастыру бойынша ұсыныстар берілді.
